The Northern Way

The Complete Corpus of Anglo-Saxon Poetry

Alms-Giving


Verse Indeterminate Saxon


Wel bið þam eorle      þe him on innan hafað,
reþehygdig wer,      rume heortan;
þæt him biþ for worulde      weorðmynda mæst,
ond for ussum dryhtne      doma selast.

5

Efne swa he mid wætre      þone weallendan
leg adwæsce,      þæt he leng ne mæg
blac byrnende      burgum sceððan,
swa he mid ælmessan      ealle toscufeð
synna wunde,      sawla lacnað.

 

 

 

 

 

 

 

 

 

 

 


Index  |  Previous page  |  Next page