Easy Readings In Old Icelandic
Chapter 58
Þeir Leifr sigldu brott ór Suðreyjum, ok tóku Noreg um haustit. Fór Leifr til hirðar Ólafs konungs Tryggvasonar. Lagði konungr á hann góða virðing, ok þóttist sjá at hann mundi vera vel mentr maðr. Eitt sinn kom konungr at máli við Leif ok segir: "Ætlar þú út til Grœnlands í sumar?" "Þat ætla ek," sagði Leifr, "ef þat er yðvarr vili." Konungr svarar: "Ek get at þat mun vel vera, ok skaltu þangat fara með erindum mínum, ok boða þar kristni." Leifr kvað hann ráða skyldu, enn kvaðsk hyggja, at þat erindi mundi torflutt á Grœnlandi. Konungr kveðsk eigi þann mann sjá, er betr væri tilfallinn enn hann---"ok muntu giptu til bera." "Þat mun því at eins," segir Leifr, "ef ek nýt yðvar við." Lætr Leifr í haf, ok er lengi úti ok hitti á lönd þau er hann vissi áðr enga ván til. Váru þar hveitiakrar sjálfsánir ok vínviðr vaxinn; þar váru þau tré er mösurr hétu, ok höfðu þeir af þessu öllu nökkur merki; sum tré svá mikil, at í hús váru lögð. Leifr fann menn á skipflaki ok flutti heim með sér; sýndi hann í því hina mestu stórmensku ok drengskap sem mörgu öðru, er hann kom kristni á landit, ok var jafnan síðan kallaðr Leifr enn hepni. Leifr tók land í Eiríksfirði, ok fór heim síðan í Brattahlíð ok tóku þar allir menn vel við honum. Hann boðaði brátt kristni um landit ok almennilega trú, ok sýndi mönnum orðsending Ólafs konungs Tryggvasonar, ok sagði hversu mörg ágæti ok mikil dýrð fylgði þessum sið. Eiríkr tók því máli sent, at láta sið sinn, enn Þjóðhildr gekk skjótt undir, ok lét gøra kirkju eigi allnærri húsunum; þat hús var kallat Þjóðhildarkirkja; hafði hon þar fram bœnir sínar, ok þeir menn sem við kristni tóku. Þjóðhildr vildi ekki hafa samræði við Eirík síðan hon tók trú, enn honum var þetta mjök móti skapi.
| ágæti, n. excellence | merki, n. token, specimen | ||
| almennilegr, catholic | mösurr, m. maple | ||
| allnærri, very near | nýt, have aid of (njóta) | ||
| boða, to preach | orðsending, f. message | ||
| brátt, soon | samræði, n. intimacy | ||
| byrja, to give a fair wind | seint, late | ||
| bœn, f. prayer | siðr, m. custom, religion | ||
| drengskapr, m. manliness | sjálfsáinn, self-sown | ||
| dvölðusk, they stayed (55, 56) | skap, n. mind | ||
| dýrð, f. glory | skipflak, n. raft | ||
| efnilegr, promising | skjótt, quickly | ||
| flytja erendi, to convey
or discharge an errand |
stórmenska, f. greatness
of heart |
||
| sýndi, showed (sýna) | |||
| get, think (geta) | sæhafa, carried out
of one's course |
||
| gipta, f. good fortune at sea | |||
| hepni, fortunate (heppinn) | tilfallinn, suited | ||
| hirð, f. retinue | torfluttr, difficult to discharge | ||
| hveitiakr, m. wheat-field | vaxinn, grown (vaxa) | ||
| jafnmannvænn, so promising | vínviðr, m. vine | ||
| lögð, n. pl. laid (in building) | virðing, f. esteem | ||
| mentr, accomplished | yðvar, of you (ér, þér) |
<< Previous Page Next Page >>
© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.
|