|
Easy Readings In Old Icelandic
Chapter 44
Einar Goes To
The Orkneys
Rögnvaldr
jarl á Mœri var son Eysteins glumru, Ívars sonar Upplendingajarls, Hálfdanar
sonar ens gamla. Rögnvaldr átti Ragnhildi, dóttur Hrólfs nefju; þeira
son var Ívarr, er fell í Suðreyjum með Haraldi konungi enum hárfagra;
annarr var Göngu-Hrólfr, er vann Norðmandi; frá honum eru Rúðujarlar komnir
ok Englakonungar; þriði var Þórir jarl þegjandi, er átti Álöfu árbót,
dóttur Haralds konungs hárfagra, ok var þeira dóttir Bergljót, móðir Hákonar
jarls ens ríka. Rögnvaldr jarl átti friðlusonu þrjá; hét einn Hrollaugr,
annarr Einarr, þriði Hallaðr; sá veltisk ór jarlsdómi í Orkneyjum. Ok
er Rögnvaldr jarl frá þat, þá kallaði hann saman sonu sína, ok spurði
hverr þeira þá vildi til eyjanna; en Þórir bað hann sjá fyrir um sína
för; jarlinn kvað honum vel fara, en kvað hann þar skyldu ríki taka eptir
sinn dag. Þá gekk Hrólfr fram, ok bauð sik til farar; Rögnvaldr kvað honum
vel hent fyrir sakir afls ok hreysti, en kvaðsk ætla at meiri ofsi væri
í skapi hans, en hann mætti þegar at löndum setjask. Þá gekk Hrollaugr
fram, ok spurði ef hann vildi at hann fœri; Rögnvaldr kvað hann ekki mundu
jarl verða; "hefir þú þat skap, er engi styrjöld fylgir; munu vegir
þínir liggja til Íslands; muntu þar göfugr þykkja á því landi, ok verða
kynsæll, en engi eru hér forlög þín." Þá gekk Einarr fram ok mælti:
"Láttu mik fara til Orkneyja; ek mun þér því heita, er þér mun bezt
þykkja, at ek mun aldri aptr koma þér í augsýn." Jarlinn svarar:
"Vel þykki mér at þú farir brott, en lítils er mér ván at þér, þvíat
móðurætt þín er öll þrælborin." Eptir þat fór Einarr vestr, ok lagði
undir sik eyjarnar, sem segir í sögu hans.
| afl, n. strength (6) |
|
|
móðurætt, f. mother's
family |
| árbót, f. 'year-boot' |
|
|
nefja, f. 'large nose' |
| augsýn, f. eyesight |
|
|
ofsi, m. arrogance (34) |
| forlög, n. pl. fortunes |
|
|
Rúða, f. Rouen |
| frá, learned (fregna) |
|
|
setjask, to settle down |
| friðlusonr, m. illegitimate
son |
|
|
sjá fyrir, to decide |
| göfugr, distinguished |
|
|
skap, n. disposition |
| hent, suited (henda) |
|
|
styrjöld, f. strife |
| hreysti, f. valour |
|
|
þegjandi, silent |
| jarlsdómr, m. earldom |
|
|
þrælborinn, of servile
birth |
| kynsæll, fortunate in
descendants |
|
|
vegr, m. way |
| láttu = lát þú |
|
|
veltisk, deposed himself
(veltask) |
<< Previous Page
Next
Page >>
© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries
can be sent to info@northvegr.org.
Northvegr™ and the Northvegr symbol are trademarks and service marks
of the Northvegr Foundation.
|
|
