Northvegr - Easy Readings In Old Icelandic

Home | Site Index | Heithinn Idea Contest |

Easy Readings In Old Icelandic

Chapter 42

Ingólf Settles At Reykjavík (A. D. 874)

        Eptir þat fór Ingólfr vestr til Hjörleifshöfða; ok er hann sá Hjörleif dauðan, mælti hann: "Lítit lagðisk hér fyrir góðan dreng, er þrælar skyldu at bana verða, ok sé ek svá hverjum verða, ef eigi vill blóta." Ingólfr lét búa gröpt þeira Hjörleifs, ok sjá fyrir skipi þeira ok fjárhlut. Ingólfr gekk þá upp á höfðann, ok sá eyjar liggja í útsuðr til hafs; kom honum þat í hug, at þeir mundu þangat hlaupit hafa, þvíat bátrinn var horfinn; fóru þeir at leita þrælanna, ok fundu þá þar sem Eið heitir í eyjunum; váru þeir þá at mat, er þeir Ingólfr kvámu at þeim. Þeir urðu felmzfullir, ok hljóp sinn veg hverr. Ingólfr drap þá alla. Þar heitir Dufþaksskor, er hann lézk. Fleiri hljópu þeir fyrir berg, þar sem við þá er kent síðan. Vestmannaeyjar heita þar síðan, er þrælarnir váru drepnir, þvíat þeir váru Vestmenn. Þeir Ingólfr höfðu með sér konur þeira, er myrðir höfðu verit; fóru þeir þá aptr til Hjörleifshöfða; var Ingólfr þar vetr annan; en um sumarit eftir fór hann vestr með sjó. Hann var enn þriðja vetr undir Ingólfsfelli fyrir vestan Ölfusá, þar sem sumir segja hann sé heygðr. Þau misseri fundu þeir Vífill ok Karli öndvegissúlur hans við Arnarhvál fyrir neðan heiði.
        Ingólfr fór um várit ofan um heiði; hann tók sér bústað þar sem öndvegissúlur hans höfðu á land komit; hann bjó í Reykjarvík; þar eru enn öndvegissúlur hans í eldhúsi. En Ingólfr nam land milli Ölfusár ok Hvalfjarðar, fyrir utan Brynjudalsá, milli ok Øxarár, ok öll nes út. Þá mælti Karli: "Til ills fóru vér um góð heruð, er vér skulum byggja útnes þetta." Hann hvarf á brott ok ambátt með honum. Vífli gaf Ingólfr frelsi, ok bygði hann at Vífilstoftum; við hann er kent Vífilsfell; þar bjó hann lengi, ok varð skilríkr maðr. Ingólfr lét gøra skála á Skálafelli; þaðan sá hann reyki við Ölfusvatn ok fann þar Karla.
        Ingólfr var frægastr allra landnámsmanna, þvíat hann kom hér at óbygðu landi, ok bygði fyrstr landit; gørðu þat aðrir landnámsmenn eftir hans dœmum.

Arnar-hváll, m. 'eagle's knoll'			horfinn, gone (hverfa)
berg, n. cliff			hugr, m. mind
blóta, to do sacrifice (40)			hvarf, disappear (hverfa)
bústaðr, m. homestead			kent, named (kenna)
drengr, m. fellow			lagðisk, was destined (leggjask)
dœmi, n. example			landnámsmaðr, m. settler
eldhús, n. kitchen			lézk, died (látask)
felmzfullr, terrified			matr, m. food
fjárhlutr, m. property			misseri, n. season
frelsi, n. freedom			myrðr, murdered (41)
frægr, famous			óbygðr, unsettled
fyrir utan, out from			reykr, m. smoke
gröptr, m. burying (33)			Reykjar-vík, f. 'smoke-bay'
heiðr, f. moor			skilríkr, honest, reliable
herað, n. district			skor, n. cleft, rift
heygðr, (37)			útnes, n. outlying headland
hlaupit, run (hlaupa)			Øxar-á, 'axe-river'

hljóp, ran (id)

<< Previous Page Next Page >>

© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.