|
Easy Readings In Old Icelandic
Chapter 40
Flóki Winters
In Iceland
Flóki
Vilgerðarson hét maðr; hann var víkingr mikill; hann bjósk af Rogalandi
at leita Snælands. Þeir lágu í Smjörsundi. Hann fekk at blóti miklu ok
blótaði hrafna þrjá, þá er honum skyldu leið vísa, því at þá höfðu hafsiglingarmenn
engir leiðarstein í þann tíma á Norðrlöndum. Þeir hlóðu þar varða, er
blótit hafði verit, ok kölluðu Flókavarða; þat er þar er mœtisk Hörðaland
ok Rogaland. Hann fór fyrst til Hjaltlands ok lá þar í Flókavági; þar
týndisk Geirhildr dóttir hans í Geirhildarvatni. Með Flóka var á skipi
bóndi sá er Þórólfr hét, annarr Herjólfr. Faxi hét suðreyskr maðr, er
þar var í skipi. Flóki sigldi þaðan til Færeyja ok gipti þar dóttur sína.
Frá henni var Þrándr í Götu. Þaðan sigldi hann út í haf með hrafna þá
þrjá, er hann hafði blótat í Noregi; ok er hann lét lausan enn fyrsta,
fló sá aptr um stafn; annarr fló í lopt upp ok aptr til skips; enn þriði
fló fram um stafn í þá átt sem þeir fundu landit. Þeir kvámu austan at
Horni, ok sigldu fyrir sunnan landit. En er þeir sigldu vestr um Reykjanes,
ok upp lauk firðinum, svá at þeir sá Snæfellsnes, þá rœddi Faxi um: "Þetta
mun vera mikit land, er vér höfum fundit; hér eru vatnföll stór."
Síðan er þat kallaðr Faxaóss. Þeir Flóki sigldu vestr yfir Breiðafjörð,
ok tóku þar land sem heitir Vatnsfjörðr, við Barðaströnd. Þá var fjörðrinn
fullr af veiðiskap, ok gáðu þeir eigi fyrir veiðum at fá heyjanna, ok
dó alt kvikfé þeira um vetrinn. Vár var heldr kalt. Þá gekk Flóki upp
á fjall eitt hátt, ok sá norðr yfir fjöllin fjörð fullan af hafísum; því
kölluðu þeir landit Ísland, sem þat hefir síðan heitit. Þeir Flóki ætluðu
brott um sumarit, ok urðu búnir litlu fyrir vetr. Þar sér enn skálatoft
þeira inn frá Brjánslæk, ok sleit frá þeim bátinn, ok þar á Herjólf. Hann
tók þar land, sem nú heitir Herjólfshöfn. Flóki kom í Hafnarfjörð. Þeir
fundu hval á eyri einni út frá firðinum ok kölluðu þar Hvaleyri. Þar fundusk
þeir Herjólfr. Flóki var um vetrinn í Borgarfirði. Þeir sigldu um sumarit
eptir til Noregs. Ok er menn spurðu af landinu, þá lét Flóki illa yfir,
en Herjólfr sagði kost ok löst af landinu; en Þórólfr kvað drjúpa smjör
af hverju strái á landinu því er þeir höfðu fundit; því var hann kallaðr
Þórólfr smjör.
| átt, f. direction |
|
|
bóndi, m. yeoman |
| beit þeim eigi, they
could not |
|
|
dó, died (deyja) |
| clear (bíta) |
|
|
drjúpa, to drip |
| blóta, to worship |
|
|
eyrr, f. tongue of land |
| blót, n. sacrifice |
|
|
fló, flew (fljúga) |
--------
| fundusk, met each other |
|
|
leiðarsteinn, m. load-stone
compass |
gave heed (gá)
| gipti, gave in marriage
(gipta) |
|
|
löstr, m. fault, defect
|
| hafíss, m. polar ice
|
|
|
óss, m. estuary |
| hafsiglingarmaðr, m.
deep-sea sailor |
|
|
rœddi, spoke (rœða)
|
| |
|
|
seyði, n. cooking-place
|
| heldr, rather, fairly
|
|
|
skálatoft, f. foundations
of a hut |
hey, n. pl. stores of hay sleit
(39)
| hlóðu, piled up (hlaða) |
|
|
smjör, n. butter |
| hrafn, m. raven |
|
|
stafn, m. stern; prow |
| hróf, n. boat-shed |
|
|
strá, n. straw |
| hvalr, m. whale |
|
|
suðreyskr, Hebridean |
| kostr, m. good quality |
|
|
týndisk, perished (1,
10) |
| kvikfé, n. cattle |
|
|
varði, m. beacon |
| láta illa, to speak
badly |
|
|
vatnfall, n. river |
| lauk upp, opened (lúka) |
|
|
veiðiskapr, m. fish |
| lauss, loose (3) |
|
|
veiðr, f. fishing (17) |
| leið, f. way |
|
|
vísa, to show |
<< Previous Page
Next
Page >>
© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries
can be sent to info@northvegr.org.
Northvegr™ and the Northvegr symbol are trademarks and service marks
of the Northvegr Foundation.
|
|
