Easy Readings In Old Icelandic
Chapter 36
Tíðendi þau spurðust sunnan ór landi, at Hörðar ok Rygir ok Egðir ok Þilir söfnuðusk saman ok gørðu uppreist, bæði at skipum ok vápnum ok fjölmenni; váru þeir upphafsmenn Eiríkr Hörðalands konungr, Súlki konungr af Rogalandi ok Sóti jarl bróðir hans, Kjötvi hinn auðgi, konungr af Ögðum, ok Þórir haklangr son hans; af Þelamörk brœðr tveir, Hróaldr hryggr ok Haddr hinn harði. En er Haraldr konungr varð þessa tíðinda víss, þá dró hann her saman ok skaut skipum á vatn; bjósk síðan með lið mikit ok ferr með landi suðr, ok hafði mart manna af hverju fylki. En er hann kømr suðr um Stað, þá spyrr þat Eiríkr konungr; hafði hann þá ok saman komit því liði, er honum var ván; ferr hann þá suðr í móti því liði, er hann vissi at austan mundi koma til fulltings við hann. Mœttisk þá herrinn allr fyrir norðan Jaðar, ok leggja þá inn til Hafrsfjarðar. Þar lá fyrir Haraldr konungr með her sinn; teksk þar þegar orrosta mikil, var bæði hörð ok löng; en at lyktum varð þat, at Haraldr konungr hafði sigr, en þar féllu þeir Eiríkr konungr ok Súlki konungr ok Sóti jarl bróðir hans. Þórir haklangr hafði lagt skip sitt í móti skipi Haralds konungs, ok var Þórir berserkr mikill; var þar allhörð atsókn áðr Þórir haklangr féll; var þá hroðit alt skip hans; þá flýði Kjötvi konungr í hólma nökkurn, þar er vígi var gott. Síðan flýði alt lið þeira, sumt á skipum, en sumt hljóp á land upp, ok svá hit efra suðr um Jaðar.
Í þeim úfriði, er Haraldr konungr gekk til lands í Noregi, þá fundusk ok bygðusk útlönd: Færeyjar ok Ísland; þá var ok mikil ferð til Hjaltlands, ok margir ríkismenn af Noregi flýðu útlaga fyrir Haraldi konungi ok fóru í vestrvíking, váru í Orkneyjum ok Suðreyjum á vetrum, en á sumrum herjuðu þeir í Noreg ok gørðu þar mikinn landskaða. Margir váru þeir ok ríkismenn, er gengu til handa Haraldi konungi ok gørðusk hans menn ok bygðu lönd með honum.
| allharðr, very fierce | landskaði, m. injury to the land | ||
| atsókn, f. assault | lyktir, f. pl. end | ||
| auðigr, wealthy | mannfjöldi, m. multitude | ||
| austan, from the east | mótstaða, f. resistance | ||
| berserkr, m. (15) | mœttisk, assembled (mœtask) | ||
| bjósk, got ready (búask) | ríkismaðr, m. man of rank | ||
| bygðisk, was settled (byggvask) | Rygir, m. pl. the men of Roga- | ||
| efra, upper (way) | land | ||
| Egðir, m. pl. the men of Agðir | skaut, launched (skjóta) | ||
| eyðiland, n. waste land | söfnuðusk, were gathered (safnask) | ||
| ferð, f. going | spurðusk, were heard (spyrjask) | ||
| fjándmaðr, m. enemy | Suðreyjar, f. pl. the Hebrides | ||
| fjölmenni, n. large force | sunnan, from the south | ||
| flýði, flýðu, fled (flýja) | teksk, begins (takask) | ||
| fullting, n. assistance | úfriðr, n. warfare | ||
| hak-langr, 'long chin' | upphafsmaðr, m. leader | ||
| harðr, hardy, bold; hard, severe | uppreist, f. revolt | ||
| Hjaltland, n. Shetland | útland, n. outlying land | ||
| hólmi, m. island | útlaga, outlawed | ||
| hroðit, cleared (hrjóða) | vestrvíking, f. plundering in the | ||
| hryggr, 'broad-back' | West | ||
| hvárttveggja, each of the two | vígi, n. defence | ||
| Hörðar, m. pl. the men of Hörðaland | Þilir, m. pl. the men of Þelamörk |
<< Previous Page Next Page >>
© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.
|