Northvegr - Easy Readings In Old Icelandic

Home | Site Index | Heithinn Idea Contest |

Easy Readings In Old Icelandic

Chapter 33

The Death of King Gorm

Þess er eigi getit, hvar hann hafði herbergi um nâttina ok lið hans; en Gormr konungr réð ekki í þetta, svá at menn fyndi, er sonr hans hafði sagt honum; en konungr drakk, meðan honum sýndisk, ok fór síðan at sofa; en um náttina eptir, er menn váru ór höll farnir til svefns, þá ferr Þyri dróttning til með menn sína, ok lét ofan taka allan hallarbúning, en síðan lét hon tjalda í staðinn svörtum reflum þartil er altjölduð var höllin; fyrir þvi gørði hon svá, at þat var hygginna manna ráð í þann tíma, þá er harmsögur kómu at eyrum mönnum, at segja eigi með orðum, ok gøra þá á þann veg, sem nú lét hon gøra. Gormr enn gamli reis síðan upp þann morgin, ok gekk í hásæti sitt, ok settisk niðr; ok ætlaði at taka til drykkju, ok leit á hallarveggina ok búninginn, er hann gekk utan eptir höllinni, ok þar nú í hásæti, sem áðr var frásagt. Þyri sat í öðru öndvegi ok hásæti hjá konunginum. Konungr tók þá til orða ok mælti: "Þú munt þessu ráðit hafa, Þyri!" segir hann, "er höllin er á þessa leið búin." "Fyrir því þykkir þér þat líkligra, herra?" segir hun. "Þvi," sagði konungr, "at þú vill svá segja mér fall Knúts sonar míns." "Þú segir mér nú," sagði dróttning. Gormr konungr hafði staðit upp fyrir hásætinu, er þau tóku þetta at rœða, en nú settisk hann niðr hart, ok svarir øngu, ok hné upp at hallarvegginum, ok lét þá líf sitt. En síðan er konungr þaðan í braut borinn, ok fœrðr til graptrar, ok var haugr orpinn eptir hann at ráði Þyri dróttningar; þá hafði hann konungr verit yfir Dönum nær tíu tigu ára.

altjöldaðr, completely hung			hygginn, wise, thoughtful
búinn, arranged			leið, f. way, manner
búningr, m. hangings			líkligra, more likely
dróttning, f. queen			orpinn, cast up (verpa)
drykkja, f. drinking			refill, m. tapestry
eyra, n. ear			réð, guessed (ráða)
frásagt, told about			rœða, to talk
fyndi, could notice (finna)			sofa, to sleep (9)
graptrar, g.s. of gröptr, m. burial			staðinn, í, in its place
hallar-búningr, m. hangings of			staðit, stood (standa)
the hall			svefn, m. sleep (13)
hallar-veggr, m. wall of the hall			sýndisk, seemed good
harmsaga, f. a tale of trouble			tíu tigir, a hundred
haugr, m. grave-mound			tjalda, to hang
herbergi, n. quarters			utan, inwards
hné, leaned (hníga)			öndvegi, n. place of honour

<< Previous Page Next Page >>

© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.