Northvegr - Easy Readings In Old Icelandic

Home | Site Index | Heithinn Idea Contest |

Easy Readings In Old Icelandic

Chapter 26

The Death of Ragnar

Enn þó lauk svá bardaga þeira, at alt lið Ragnars féll, enn at honum vóru bornir skildir ok svá handtekinn. Nú var hann spurðr, hvat manna hann var; enn hann þagði við, ok svaraði engu. Þá mælti Ella konungr: "Sjá maðr man verða at koma í meiri mannraun, ef hann vill eigi segja oss, hverr hann er; nú skal kasta honum í einn ormgarð ok láta hann þar sitja mjök lengi, ok ef hann mælir nakkvat þat, er vér megim skilja, at hann sé Ragnarr, þá skall hann í brott taka sem skjótast." Nú er honum þangat fylgt, ok hann sitr þar mjök lengi, svá at hvergi festask ormar við hann. Þá mælti menn: "Þessi maðr er mikill fyrir sér; hann bitu eigi vápn í dag, enn nú granda honum eigi ormar." Þá mælti Ella konungr, at hann væri flettr af klæði því, er hann hafði yzt, ok var svá gørt, ok hengu ormar öllum megin á honum. Þá mælti Ragnarr: "Gnyðja mundu nú grísir, ef þeir vissi, hvat enn gamli þyldi;" ok þótt hann mælti slíkt, þá vissu þeir eigi at gørr, at Ragnarr væri þat, heldr enn annarr konungr. Nú lætr hann líf sitt, ok er hann nú fœrðr á brott þaðan; enn Ella konungr þykkisk vita, at Ragnarr hefir líf sitt látit.

bornir, borne (bera)			mannraun, f. straits
festask, to fasten (15)			megin: see öllum
flettr, stripped (fletta)			meiri, greater
fylgt, led (fylgja)			nakkvat, anything
fœrðr, carried (fœra, 23)			ormgarðr, m. snake-pit
gamli, old one (gamall)			skilja, to understand
gnyðja, to grunt			skjótast, quickest; sem skj., at once
granda, to injure			yzt, outermost
gríss, m. young pig (15)			þaðan, thence (1)
gørr, more clearly			þagði, was silent (þegja)
handtekinn, taken prisoner			þangat, thither
heldr, rather			þykkisk vita, feels convinced
hvergi, nowhere			þyldi, suffered (þola)
lauk, ended (lúka)			öllum megin, on all sides

<< Previous Page Next Page >>

© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.