Northvegr - Easy Readings In Old Icelandic

Home | Site Index | Heithinn Idea Contest |

Easy Readings In Old Icelandic

Chapter 25

Ragner Invades England

Nú heldr Ragnarr skipum sínum til Englands, sem hann hafði ætlat; honum gaf byri hvassa, svá at við England brýtr hann báða knörru sína, enn á land komsk alt lið hans, ok héldu klæðum sínum ok vápnum; ok þar sem hann kømr við þorp ok borgir ok kastala, þá vinnr hann. Enn konungr sá hét Ella, er þá réð Englandi; hann hafði sett menn fyrir, at hann skyldi þegar vita, ef herrinn kœmi við land. Nú fóru þeir menn til fundar við Ella konung, ok segja honum hersögu. Nú lætr hann senda boð um alt sitt ríki, ok bað til sín koma hvern mann, er skildi má valda ok hesti at ríða, ok þori at berjask, ok dregr hann saman svá mikinn her, at furða var at; nú búask þeir til bardaga Ella konungr. Þá mælti Ella konungr við lið sitt: "Ef vér sigrumsk í bardaga þessum, ok verði þér við þat varir, at Ragnarr er kominn, þá skulu þér eigi bera vápn á hann, þvíat hann á þa sonu eptir, er aldri munu af oss ganga, ef hann fellr." Ragnarr býsk nú til bardaga, ok hann hafði þat klæði, er Randalín hafði gefit honum at skilnaði, fyrir brynju, ok þat spjót í hendi, er hann vann at orminum, er lá um sal Þóru, ok engi þorði annarra, ok hann hafði enga hlíf nema hjálm. Enn þá er þeir hittask, tóksk bardagi. Ragnarr hafði miklu minna lið. Bardaginn hafði eigi lengi verit, aðr lið Ragnars féll mjök, enn þar sem hann fór, varð rýrt fyrir, ok gekk hann í gegnum fylkingar þann dag, ok þar sem hann hjó, eða lagði í skjöldu, brynjur eða hjálma, þá vóru svá stór högg hans, at ekki vætta stóð við, enn aldri var svá til hans höggvit eða skotit, at neitt vápn yrði honum at meini, ok fekk hann aldri sár, enn hann drap mikinn fjölda af liði Ellu konungs.

báðir, both			byrr, m. wind
bardagi, m. battle			býsk, prepares (búask)
boð, n. message (15)			dregr, draws (draga)
borg, f. stronghold, town			fjöldi, m. multitude
brynja, f. mail-coat			fundr, m. meeting (18)
brýtr, breaks (brjóta)			furða, f. wonder, marvel
búask, to prepare			fylking, f. battalion

__________________

gegnum, through			sár, n. wound
heldr, directs (halda)			sigrumsk, (we) get victory
hersaga, f. war-tidings			skildi, d. s. of skjöldr
hittask, to encounter			skilnaðr, m . parting (21)
hjó, struck (17)			skjöldr, m. shield
hlíf, f. shield			skotit, shot (skjóta)
högg, n. blow			tóksk, began (takask)
hvass, keen, strong			valda, to wield
kastali, m. castle			vápn, n. (15, 18)
knörr, m. ship			varr, aware
komsk, arrived (komask)			vætta, ekki v., nothing
lagði, thrust (leggja)			vinnr, wins (vinna)
lið, n. force (15)			yrði, past subj. of verða
mein, n. harm			þegar, at once
minni, less			þora, to dare (23)
neitt, any (neinn)			þorp, n. village
rýrr, thin			ætlat, intended (ætla, 22)

<< Previous Page Next Page >>

© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.