Northvegr - Easy Readings In Old Icelandic

Home | Site Index | Heithinn Idea Contest |

Easy Readings In Old Icelandic

Chapter 20

(Continuation)

Ívarr játtar at fara með honum. Heðinn varð glaðr við þat, ok mælti: "Þess skaltu varask at ganga eigi framan at Högna, ok þess annars, at drepa mik eigi fyrr enn Högna, sakir þess, at þat er einkis mensks manns, at ganga framan at Högna, eðr drepa hann, ef ek em áðr dauðr, þvíat hann hefir œgishjálm í augum, ok hlífir engu vætta, ok því er þat eina til, at ek gangi at honum framan, ok berjumk ek við hann, enn þú gangir at baki honum, ok veitir honum banatilræði, þvíat þér man lítit fyrir verða, at bana mér, þá er ek lifi vár allra lengst." Síðan ganga þeir til bardaga, ok sér Ívarr, at þetta er alt satt, sem Heðinn hafði sagt honum; gengr hann at baki Högna, ok höggr í höfuð honum, ok klýfr hann í herðar niðr; fellr Högni þá dauðr, ok stóð aldri upp síðan. Síðan drap hann þar þá menn alla, er at bardaganum vóru, enn síðast Heðinn, ok varð honum lítit fyrir því. Síðan gekk hann til skipa, ok var þá lýst af degi; hann fór til konungs, ok sagði honum. Konungr lét vel yfir verki hans, ok sagði honum giptulega tekizk hafa. Eftir um daginn gengu þeir á land, ok þar til, sem bardaginn hafði verit, ok sá þar engan stað þeirra tíðenda, er þar hofðu verit, enn blóð sásk á sverði Ívars til merkja, ok aldri hurfu þar varðhaldsmenn síðan.

bak, n. back		engu (d.s.) vætta, nothing
bana, to slay		framan, in front
banatilræði, n. mortal attack		giptulega, fortunately
einkis, gen. of engi, no		herðr, f. shoulder

_____________________

hlífa, to spare		sásk, was seen (sjásk)
játta, to agree (17)		staðr, m. trace
klýfr, cleaves (kljúfa)		tekizk, succeeded (takask)
lengst, longest		varask, to beware of
lét vel, expressed pleasure (láta)		varðhaldsmaðr, m. sentinel
lítit, a small thing		vár, of us

lýst, lighted up (lýsa)

menskr, mortal		veita, to make, give
merki, n. token		verk, n. deed
sakir, because of		vættr, f. wight, whit
satt, true		œgishjálmr, m. helmet of dread

<< Previous Page Next Page >>

© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.