Northvegr - Easy Readings In Old Icelandic

Home | Site Index | Heithinn Idea Contest |

Easy Readings In Old Icelandic

Chapter 18

The Everlasting Battle

Orrosta er kölluð Hjaðninga veðr eða él, ok vápn Hjaðninga eldar eða vendir. Enn sjá saga er til þess: konungr sá, er Högni er nefndr, átti dóttur, er Hildr hét. Hana tók at herfangi ungr farinn i konunga-stefnu; enn er hann spurði, at herjat var í ríki hans, ok dóttir hans var í braut tekin, þá fór hann með sínu liði at leita Heðins, ok spurði til hans, at Heðinn hafði siglt norðr með landi. Þá er Högni konungr kom i Noreg, spurði hann, at Heðinn hafði siglt vestr um haf. Þá siglir Högni eptir honum allt til Orkneyja; ok er hann kom þar sem heitir Háey, þá var þar fyrir Heðinn með lið sitt. Þá fór Hildr á fund föður síns, ok bauð honum men at sætt af hendi Heðins, enn í öðru orði sagði hon, at Heðinn væri búinn at berjask, ok ætti Högni af honum øngrar vægðar ván. Högni svarar stirt dóttur sinni; enn er hon hitti Heðin, sagði hon honum, at Högni vildi ønga sætt, ok bað hann búask til orrostu, ok svá gera þeir hvárirtveggju, ganga upp á eyna ok fylkja liðinu. Þá kallar Heðinn á Högna, mág sinn, ok bauð honum sætt ok mikit gull at bótum. Þá svarar Högni: "Of síð bauðtu þetta, ef þú vill sættask, því at nú hefi ek dregit Dáinsleif, er dvergarnir gørðu, er mannsbani skal verða, hvert sinn er bert er, ok aldri bilar í höggvi, ok ekki sár grœr, ef þar skeinisk af." Þá svarar Heðinn: "Sverði hœlir þú þar, enn eigi sigri; þat kalla ek gott sverð, er dróttinholt er." Þá hófu þeir orrustu þá, er Hjaðninga-víg er kallat, ok börðusk þann dag allan, ok at kveldi fóru konungar til skipa. Enn Hildr gekk of nóttina til valsins, ok vakði upp með fjölkyngi alla þá, er dauðir váru, ok annan dag gengu konungarnir á vígvöllinn ok börðust, ok svá allir þeir, er féllu hinn fyrra daginn. Fór nú svá sú orrosta hvern dag eptir annann, at allir þeir, er féllu, ok öll vápn, þau er lágu á vígvelli, ok svá hlífar, urðu at grjóti. Enn er dagaði, stóðu upp allir dauðir menn ok börðust, ok öll vápn váru þá nýt. Svá er sagt í kvæðum, at Hjaðningar skulu svá bíða Ragnarøkkrs.

bauð, offered (bjóða)			lágu, lay (liggja)
berjask, to fight			leita, to search for
bert. n. of berr, bare			mágr, m. father-in-law
bila, to fail			mannsbani, m. a man's death
börðusk, fought (berjask)			men, n. neck-ring
bót, f. compensation			Noregr, m. Norway
búask, to get ready			nýtr, useful
búinn, ready			orði, í öðru, otherwise
daga, to dawn			Orkneyjar, f. pl. the Orkneys
Dáinsleif, f. the sword left by Dáinn			Ragna-røkkr, n. the Twilight of the Gods
dregit, drawn (draga)			síð, of, too late
dróttinhollr, faithful to one's lord			sigla, to sail
él, n. tempest			sigr, m. victory (17)
ey, f. island			sinn, n. time
fjölkyngi, f. magic			skeinask, to be grazed
fundr, m. meeting			spurði, learned (spyrja)
fylkja, to draw up			stefna, f. meeting
fyrri, previous			stirt, stiffly (stirðr)
grjót, n. stone			sætt, f. peace-making
grœr, grows whole (gróa)			sættask, to make peace
Háey, f. Hoy			urðu, turned (verða)
herfang, n. plunder			vakði, wakened (vekja)
herja, to plunder			valr, m. those slain in battle
hitti, met (hitta, 12)			ván, f. expectation (9)
Hjaðningar, m. pl. Heðin's folk			vápn, n. weapon (15)
hlíf, f. shield			veðr, n. storm
hófu, began (hefja)			vendir, pl. of vöndr, m. wand, rod
höggvi, dat. s. of högg (17)			vígvöllr m. battlefield
hvárirtveggju, both (10)			vægð, f. sparing
hœla, to boast of			ætti, might have (eiga)
kveld, n. evening (2)			øngr, no.

kvæði, n. poem (13)

<< Previous Page Next Page >>

© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.